Познатата актерка Весна Петрушевска на својот инстаграм-профил со емотивна видео-објава се прости од својот колега и пријател Панчо, кој по седум месеци борба им подлегна на повредите. Веста за неговата смрт ја растажи јавноста, а Весна, видно потресена, сподели трогателни зборови во негова чест.
„Отиде и Панчо … го обвинивме, а беше невин. Само си ја сакаше својата работа. Трчаше, како и сите ние, за парче леб. Работеше многу, многу … сам ги договараше свирките, сам пишуваше, одеше по студија. Имаше сетови, беше диџеј, беше многу вреден. Многу сакаше да чита книги. Ќе ми недостигаат нашите разговори за тоа зошто сме ние тука, како го живееме нашиот живот …“, изјави Весна со солзи во очите.
Таа додаде дека Панчо бил вреден, скромен и исклучително нежен човек, кој со љубов ја извршувал својата работа и секогаш зрачел со позитивна енергија.
„Многу ми е жал … и само сакам да ве прашам – што е поважно? Да си го гледате вашиот живот или да дрндате за животите на другите? Панчо, слава ти … ќе живееш сè додека ги пееме твоите песни. Голема трагедија … слава ти“, заврши актерката во својата видео-порака.
Весна и Панчо беа блиски пријатели кои меѓусебно се почитуваа и поддржуваа. Нејзините зборови допреа до многумина, кои ѝ изразија сочувство и го споделија тагувањето за големата загуба.
