По смртта на Саша Поповиќ, неговата сопруга Сузана Јовановиќ го добила не само имотот, туку и месечната пензија на покојниот творец на музичката империја „Гранд“, објавуваат медиумите.
Сузана Јовановиќ, пејачка и вдовица на музичкиот великан Саша Поповиќ, ја наследила неговата пензија, која, според претходните изјави, изнесува 102.000 динари, пишуваат медиумите.
Иако тоа не била тема за која често зборувал, Поповиќ пред неколку години открил на што го троши својот месечен приход од државната каса – и тоа со карактеристичен шарм и доза на духовитост.
„Од мојата пензија плаќам струја, гас, данок на имот, храна за моето семејство, децата, дел од неа оди на домашната помошничка, а кога сето тоа ќе го изнаплаќам, ми остануваат за крем-банани и две гуми за џвакање“, рекол тој низ смеа, а таа изјава сè уште се пренесува како симпатична анегдота, но и како потсетник за неговиот скромен и приземен поглед на животот.
Како што пишува „Пулс онлајн“, Сузана, како сопруга на возраст од над 53 години, имала законско право да ја наследи неговата пензија, според податоците на Институтот за социјална заштита. Покрај месечната пензија, таа го наследила и целиот имот што гo изградиле заедно во текот на нивниот децениски успех.
Неодамна, близок пријател на семејството откри дека Сузана продала дел од имотот, не наведувајќи детали, но нагласувајќи дека тоа не било поради потреба, туку поради емоционалната тежина што тие места сега ја имаат за неа.
