Турската телевизиска индустрија подготвува уште еден историски спектакл што веќе со самата најава крена прашина. Серијата е најавена како наслов што ќе ја одбележи сезоната, но и ќе ја потврди доминацијата на турските историски сапуници на домашните и регионалните екрани. Станува збор за серијата „Aşk ve Taht“ („Љубов и престол“), проект на продукциската куќа Bozdağ Film, кој веќе се најавува како наследник на „Сулејман Величествениот“, со фокус на љубовта, престолот и дворските интриги во времето на Селџучкиот султанат.
Љубов и дворски интриги
За разлика од бројни проекти што се враќаат во времето на Отоманското Царство, новата сага ги води гледачите уште подалеку во историјата — во златното, но и сурово време на Селџучкиот султанат. Токму тој период, полн со борби за власт, судири меѓу династии и драматични пресврти, нуди идеална подлога за серија во која љубовта и политиката се неразделно испреплетени. Гледачите ќе ги следат судбините на владетели, принцови, принцези и дворски сојузници што балансираат меѓу амбицијата и верноста, личната среќа и должноста кон престолот.
Силна актерска екипа
Уште еден доказ дека продукцијата ништо не препушта на случај е и фактот дека за режисерската палка се преговара токму со браќата Тајлан, Дурул и Јагмур Тајлан. Станува збор за исклучително ценет авторски тандем што стои зад глобално популарниот „Сулејман Величествениот“, серија што ја постави летвичката кога станува збор за историски спектакли и визуелен раскош.
Посебна тежина на проектот му дава внимателно одбраниот кастинг, поради кој веќе сега се зборува за вистински „глумечки земјотрес“. Во фокусот е харизматичниот Еркан Колчак Костендил, запаметен како неповторливиот Вартолу од култната серија „Чукур“ („Јама“), кој во овој проект внесува препознатлива мешавина од харизма, интензитет и актерска зрелост.
Покрај него се споменува и атрактивниот младински тандем — Рабија Соитурк и Емре Беј — еден од најпопуларните ТВ парови на новата ера на турските ѕвезди. Токму нивната љубовна линија би можела да стане емотивно јадро на приказната и причина поради која секоја нова епизода ќе се чека со нетрпение.
За вистинските фанови на историски епопеи, можеби највозбудливо име е Џенгиз Кошкун, легендарниот Тургут Алп од серијата „Дирилиш: Ертугрул“, актер што одамна стана синоним за големи, костимирани проекти и импресивни борбени сцени. Неговото искуство во жанрот, физичката подготвеност и авторитетот пред камера го прават речиси идеален избор за лик на воин, војсководец или клучен сојузник на бојното поле и во дворските игри зад сцената.
View this post on Instagram
