Таткото на старлетата Ава Карабатиќ неодамна почина во Белград, а таа бара помош на социјалните мрежи поради тешката финансиска состојба во која се наоѓа.
Имено, Ава ги замоли сите добри луѓе кои сакаат да ѝ помогнат на нејзиниот инстаграм-профил да го пренесат телото на нејзиниот татко во Хрватска и таму да го погребаат.
Исто така, старлетата истакна дека не се чувствува добро психички и дека постојано е на инфузија.
– Не сакам да давам видеоинтервјуа, не сум ниту ментално, ниту физички способна. Ќе ми треба малку време повторно да застанам на нозе, па ќе проговорам. Тежам 53 кг и сум висока 178 см, едвај можам да станам од кревет. Останувам жива преку инфузија. Многу сум слаба и имунитетот ми е целосно паднат – напиша таа, а потоа откри кој ѝ помогнал.
Ава наведе бројни пријатели кои биле тука за неа во овие тешки времиња, а меѓу нив е и водителката Николина Пишек.
– Секако, благодарам на сите вас кои помагате, моите обожаватели, пријатели. Се надевам дека наскоро ќе се оддолжам за сè. Ве сакам – додаде Ава.
