Пејачката Тања Савиќ наводно итно мора да оди на операција на гласните жици, тврдат нејзини блиски соработници.
Таа неодамна поради здравствената состојба го откажа настапот во Словенија, а потоа и сите останати во следниот месец, за да се справи со проблемите со гласот.
– По којзнае кој пат ѝ пукна гласот, па мораше да го откаже настапот. Кога добила температура, Тања отишла на лекар и состојбата ѝ е алармантна. Ова не е првпат да ѝ биде понудена операција. Минатиот пат се однесуваше многу неодговорно и штом состојбата малку ѝ се подобри, продолжи да пее наместо да ги слуша лекарите и што поскоро да се оперира – вели извор близок на пејачката.
Инаку, пред неколку дена Савиќ ѝ се обрати на публиката преку видео на Инстаграм.
– Драги мои, имам важна најава, можете да слушнете каков ми е гласот, поради тоа морам да го откажам настапот во Словенија, се радував на тој настап, знам дека и вие се радувавте, но не можам да пејам вака. Не смеам да пеам, имам температура. За еден час одам на лекар на преглед. Не знам што ќе ми кажат – изјави тогаш Тања Савиќ, а подоцна веќе не се огласи.
