-Таа цел живот тренира тенис, се занимава професионално со тенис. Одела на разни натпревари, во собата има безброј трофеи и медали. Замина на економски хонорарен курс, дури добила и стипендија преку тенисот – раскажала познаничка на Јелена М.(19), која завчера (14.03) била уапсена во својот автомобил „Смарт“, со 8,5 килограми марихуана, пренеусваат српските медиуми.
Новинарите на „Блиц“ го посетија просторот каде што е уапсена тинејџерката, каде соседите се во шок откако дознале за што е обвинета. Многумина од нив не можат да поверуваат дека марихуаната е нејзина, бидејќи како што велат, потекнува од нормално семејство.
– Некое време размислуваше да замине во странство да студира. Имала повреда на раката, па престанала професионално да се занимава со тенис и почнала да тренира деца. Се шокирав кога слушнав, не ми се верува дека е нејзина марихуаната. Мајка ѝ е учителка, а татко ѝ камионџија – вели соседот.
Соседите објаснуваат дека тие се нормално семејство и дека никој никогаш немал проблем со нив.
– Таа има 17-годишна сестра. Имаше долга врска, цело време одеше кај нејзиното момче, но тука живее со родителите – додава соговорникот на српски Блиц.
Полицијата во соработка со УКП, службата за борба против организиран криминал, ја запленила марихуаната. Јелена М. била во автомобилот со малолетник (17) и пренесувале 8,5 килограми марихуана.
Како што се гледа на снимките кои ги објави српско МУП, во жолтиот Смарт во гепекот се наоѓале тениски рекети. А под нив, пронајдена е торба со 20 пакети марихуана.
На осомничената ѝ е одредено задржување до 48 часа, по кое ќе одговора на кривичната пријава. 17-годишникот пак, е приведен во Одделението за малолетници.
