Српска пејачка и поранешна учесничка во реалното шоу „Фарма“, била исфрлена од финалето на „Австралија Опен“, на кое играа Новак Ѓоковиќ и Доминик Тим, а вое кое српскиот тенисер победи со – 6:4, 4:6, 2:6, 6:3, 6:4.
Станува збор за Душица Грбовиќ (39) која обезбедувањето ја одалечило од трибината поради недозволено однесување.
– Бев многу културен навивач и толку години го следам Новак Ѓоковиќ и сакав само да бидам на финалето. Кога го победи Федерер, купив влезници за да го гледам финалето. Но, ми се случи инцидент. Влетав во екипа која навиваше за Доминик и некој ме пријавил. Дојдоа луѓе кои ме исфрлија – рекла Душица, на која и било изречена мерка забрана за влез во Арената на две недели.
– Ми пријдоа и ми кажаа да бидам „квајт“, а јас не можам да бидам „квајт“, кога припадник на мојата земја победува. Беа многу повеќе кои навиваа за Доминик. Една жена повика полиција. Јас не сум доживеала полиција да ме извади надвор пред крајот на мечот и да ми кажат дека не е во ред што сум гласна – раскажала Грбовиќ за српските медиуми.
