Младата музичка ѕвезда, Хари Стајлс, кој стана познат во јавноста откако претходно беше пејач во бендот „One Direction“, бил ограбен за време на Валентајн, а инцидентот се случил во лондонскиот кварт Хампстед во вечерните часови, пренесува „Mirror“.
Ограбувачот, за кој Стајлс вели дека бил во своите дваесетти години, извадил нож и му се заканувал, барајќи од него да му ги даде сите пари кои ги има.
Според овие информации, пејачот успеал да се снајде и поминал без повреди.
„Хари се однесувал поприлично смирено и брзо ги дал своите пари. Ја држел ситуацијата под контрола. Сепак, поради сето тоа Стајлс е многу вознемирен и потресен“, рекол за „Mirror“ близок извор на пејачот.
Без разлика на инцидентот, Хари синоќа имаше феноменален настап на доделувањата на Британските награди, каде ја испеа песната Falling.
Инаку, полицијата се уште е во потрага по напаѓачот.
