Британскиот актер Џејк Абрахам почина на 56-годишна возраст.
Како што пренесува „Мирор“, тој починал само неколку месеци откако објавил дека му бил дијагностициран рак.
Абрахам истакнал дека „отишол предоцна на лекар“ и дека „се кае што не го направил тоа порано“, бидејќи долго време се чувствувал лошо.
Актерот во јули годинава изјави дека му бил дијагностициран рак на простата, но подоцна се проширил на ‘рбетот, колковите и мочниот меур, пренесува споменатиот медиум.
RIP Jake Abraham
A very talented actor 🙏 pic.twitter.com/wWsVB1gcFB— Masood Ahmed (@masood548) October 1, 2023
„Работев, но не се чувствував добро. Се туркав со оние мантри што си ги кажуваш кога не се чувствуваш добро, немаш енергија и кога имаш болки. Костимот за претставата беше огромен, знаев дека тогаш не ми беше добро, но долго време не ми беше добро“, изјави тогаш за „Liverpool ECHO“.
„Она што ме натера да отидам на лекар и да направам тест за ПСА (специфичен антиген за простата), е тоа што најдов крв во мојата урина. Го направив тестот и завршив во болница. Лекарот ми рече: „Имаш рак, многу ми е жал“. Тој рече дека го имам со години, можеби четири години“, додал актерот.
RIP Jake Abraham…..what an iconic character 🙏🏽🙏🏽 pic.twitter.com/Eny0tjGcry
— Rups (@RupsC73) October 1, 2023
Џејк Абрахам е роден во Ливерпул и е најпознат по улогата во филмот „Two Sooty Twin Barrels“. Покрај тоа, тој глумеше и во остварувањата „Правда“, „Затворенички сопруги“, „Холби Сити“ и други.
