– Како што веќе најавивме, до петок времето во Македонија ќе биде сончево и студено со мала до умерена локална облачност. Утрата ќе бидат студени и тоа особено утре кога минималните температури ќе се спуштаат во интервалот од -12 до -3 степени, додека максималните ќе се искачуваат во интервалот од 0 до 6 степени, вели нашиот метео прогнозер Славчо Попоски.
Според Попоски, потоа повеќе облачност и нешто повисоки температури и тоа поради јужното воздушно стурње ќе имаме за време на викендот кога истите ќе се искачуваат во интервалот од 5 до 10 степени. За време на викендот ќе дува и слаб до умерен ветер од јужен и од југозападен правец, додека од недела ќе има појава и на повремен локален дожд.
И во Скопскиот регион до петок времето ќе биде сончево и студено со мала до умерена локална облачност. Температурите наутро ќе се спуштаат во интервалот помеѓу -6 и -5 степени, додека максималните ќе се искачуваат до околу 4 степени. Потопло време и повеќе облачност ќе има за време на викендот кога ќе дува и слаб до умерен ветер од јужен правец . Температурата во Скопскиот регион за време на викендот ќе се искачи до околу 6 степени.
