– Денес времето во Македонија ќе биде сончево со умерена локална облачност. Нешто повеќе облачност ќе има во западните предели. Ќе дува слаб до умерен ветер од јужен и од југозападен правец, особено изразен во западните предели. Температурите ќе се искачуваат во интервалот од 3 до 10 степени – вели нашиот метео прогнозер Славчо Попоски.
Во Скопје и околината времето ќе биде сончево со умерена локална облачност. Ќе дува слаб до умерен ветер од јужен правец. Максималната температура ќе се искачи до околу 6 степени.
Според Попоски, од утре па натаму следува период на претежно облачно време со повремени локални врнежи од дожд. Ќе започне да дува умерен, повремено на некои места засилен ветер од јужен правец. Температурите и тоа поради јужното воздушно струење ќе бележат тенденција на понатамошен пораст, и во почетокот од следната недела ќе се искачуваат во интервалот од 6 до 13 степени.
НАПОМЕНА: Поради релативно топлото време и високите температури на воздухот, во текот на следниот период се очекува топење на снежната покривка на повисоките места и на планините.
