– Утре ќе се задржи сончево со мала до умерена локална облачност. Особено во западните предели ќе дува слаб до умерен ветер од западен и од југозападен правец. Наутро ќе биде сеуште студено со минимални температури кој ќе се спуштаат во интервалот од -9 до -1 степени, додека максималните ќе се искачуваат во интервалот од 1 до 7 степени. Повеќе облачност ќе имаме за време на викендот, кога поради јужното воздушно струење и температурите ќе бележат тенденција на пораст и максималните дневни ќе се искачуваат во интервалот од 6 до 11 степени – вели нашиот метео прогнозер Славчо Попоски.
Според Попоски од недела па натаму ќе има појава и на повремени локални врнежи од дожд.
И во Скопскиот регион утре ќе се задржи претежно сончево време со мала до умерена облачност, додека за време на викендот ќе има нешто повеќе облачност. Ќе дува слаб до умерен ветер од јужен правец, додека температурите ќе се искачуваат во интервалот од 4 до 7 степени.
