– Како што претходно кажавме, од утре па натаму следува период на стабилно, суво и сончево време со мала до умерена локална облачност. Ќе продолжи да дува слаб до умерен, а Долж Повардарието повремено засилен ветер од северозападен правец. Наутро ќе биде МНОГУ СТУДЕНО и тоа особено утре и во петок, кога минималните температури понекаде се очекува да се спуштат до околу -15 степени, додека максималните ќе се искачуваат во интервалот од -4 до 6 степени – вели нашиот метео прогнозер Славчо Попоски.
Според Попоски, потопло преку ден ќе биде во петок, како и за време на викендот кога максималните дневни температури ќе се искачуваат во интервалот од 2 до 10 степени, додека во најтоплите предели истите се очекува да се искачат до околу 12 степени.
И во Скопскиот регион од утре па натаму следува период на стабилно, суво и сончево време. Ќе дува умерен, повремено засилен ветер од северозападен правец. Температурите наутро се очекува да се спуштат близу -10 степени, додека максималните ќе се искачуваат во интервалот од 2 до 6 степени.
