– До среда времето во Македонија ќе се задржи претежно облачно со слаб ветер од променлив правец. Во среда исто така ќе има услови за повремен локален дожд со послаб интензитет. Температурите и понатаму ќе бидат натпросечно високи и ќе се искачуваат во интервалот од 7 до 13 степени. Истите ќе условат топење на снежната покривка на планинските места. Повеќе сончеви периоди ќе има од четврток, вели нашиот метео прогнозер Славчо Попоски.
И во Скопскиот регион до среда времето ќе се задржи променливо облачно со слаб ветер од променлив правец. Во среда ќе има услови за слаб локален дожд. Температурите ќе се искачуваат во интервалот помеѓу 8 и 11 степени. Повеќе сончеви период во скопскиот регион исто така се очекуваат од четврток.
