– Како што претходно најавивме, за време на овој викенд, како и во почетокот од следната недела времето во Македонија ќе се задржи стабилно, суво и сончево со мала локална облачност. Утре сеуште ќе дува умерен, повремено засилен ветер од северен и од северозападен правец, најизразен ветерот ќе биде долж Повардарието. Наутро и понатаму ќе биде студено со минимални температури кој ќе се спуштаат во интервалот од -9 до -2 степени, додека максималните ќе се искачуваат во интервалот од 2 до 11 степени- вели метео прогнозерот Славчо Попоски.
И во Скопскиот регион во следните денови времето ќе се задржи сончево со мала локална облачност. Утре сеуште ќе дува умерен, повремено засилен ветер од северен правец. Наутро температурите ќе се спуштаат во интервалот од -5 до -3 степени, додека максималните ќе се искачуваат во интервалот од 4 до 7 степени.
