– Како што најавивме, утре и во сабота времето ќе биде сончево и ЗНАЧИТЕЛНО ПОТОПЛО со мала до умерена локална облачност. Ќе дува слаб до умерен, а во западните предели повремено засилен ветер од југозападен правец. Температурите ќе бидат РАНО ЛЕТНИ и ќе се искачуваат во интервалот од 19 до 26 степени. Нов влажен и постуден воздушен бран од северозапад се очекува во недела, и истиот ќе донесе нови врнежи од дожд и снег на планините а ќе дува и засилен ветер од северозападен правец, додека температурите на воздухот позначително ќе опаднат, вели нашиот метео прогнозер Славчо Попоски.
Нова стабилизација на времето се очекува на самиот почеток од следната недела. И во Скопскиот регион утре и во сабота времето ќе биде сончево и ЗНАЧИТЕЛНО ПОТОПЛО со мала до умерена локална облачност.
Ќе дува слаб до умерен ветер од променлив правец, додека температурите ќе се искачуваат во интервалот помеѓу 21 и 24 степени, а позначителен пад на истите се очекува во недела кога ќе има нови повремени врнежи од дожд, проследени со засилен северозападен ветер. Повторна стабилизација на времето ќе има уште од самиот почеток на следната недела.
