– Како што најавивме, во следните неколку денови времето во Македонија ќе биде стабилно, суво и сончево со мала до умерена локална облачност. Ќе дува слаб ветер од променлив правец. Наутро сеуште ќе биде МНОГУ СТУДЕНО, и минималните температури понекаде ќе се спуштаат до околу -10 степени, додека максималните ќе бележат тенденција на значителен пораст, особено на средината од неделата кога ќе се искачуваат во интервалот од 9 до 15 степени. Ново заладување на времето и врнежи се очекуваат кон крајот на работната недела.
И во Скопскиот регион во следните неколку денови времето ќе биде стабилно, суво и сончево со мала до умерена локална облачност. Ќе дува слаб ветер од променлив правец. Минималните температури ќе се спуштаат во интервалот од -5 до -1 степен, додека дневните ќе бележат тенденција на пораст и ќе се искачуваат во интервалот од 9 до 14 степени на средината од неделата – вели нашиот метео прогнозер Славчо Попоски.
