– Денес времето во Македонија ќе биде променливо облачно со слаб до умерен ветер од јужен правец. Особено во западните и во југозападните предели ќе има повремени локални врнежи од дожд. Температурите ќе се искачуваат во интервалот од 12 до 19 степени – вели нашиот метео прогнозер Славчо Попоски.
Во Скопје и околината времето ќе биде променливо облачно со слаб до умерен ветер од јужен правец. Максималната температура ќе се искачи до околу 19 степени. Потоа услови за слаби локални врнежи од дожд ќе има и во текот на утрешниот ден, додека во среда времето ќе биде претежно стабилно и суво, односно сончево со умерена облачност.
Според Попоски, нови ПОИНТЕНЗИВНИ врнежи од дожд ќе има од четврток па натаму, кога ќе дува и засилен до СИЛЕН ветер од јужен правец. Што се однесува до температурите, тие ќе се искачуваат во интервалот од 15 до 21 степен, додека во најтоплите предели истите се очекува да бидат уште малку повисоки и да се искачат до околу 23 степени.
