Нането ширум светот е познато како зачин и чај што се пие поради пријатниот мирис, но и поради бројните лековити својства. Лековита е целата билка, но за таа намена најмногу се користат листовите. Нането содржи висок удел на ментол, соединение заслужно за неговиот освежителен мирис и вкус.
Сите придобивки од нането
Како зачин се додава во многу јадења, десерти и освежителни пијалаци. За лековити цели се пие како чај, а се користи и како масло, сируп, тинктура и облога. Од неговите лековити дејства, едно од најпознатите и најизразените е смирувањето на органите на дигестивниот тракт. Ефикасно ги ублажува болките во желудникот и во цревата, како и грчевите и мачнините, особено оние предизвикани од патувања.
Нането има и диуретично дејство, го поттикнува метаболизмот и го намалува апетитот, па е корисно при намалување на вишокот килограми. Содржи витамини А и Ц, како и други активни материи, како рузмаринската киселина, кои помагаат во зајакнување на отпорноста на организмот кон воспаленија и инфекции. Се смета дека токму благодарение на оваа киселина, нането ги ублажува алергиите и астмата, а докажано е и дека ги намалува симптомите на настинка и сува кашлица, ги неутрализира слободните радикали и го спречува создавањето материи што поттикнуваат воспаленија во организмот.
Ментолот од нането е чест состојка во пастите за заби и водите за плакнење на устата бидејќи помага во спречување заболувања на непцата и јазикот, а воедно го неутрализира и лошиот здив. Исто така, ја ублажува забоболката.
Нането ги смирува и главоболките и желудочните тегоби предизвикани од стрес, а чајот од нане го смирува организмот и го олеснува заспивањето.
Чај за опуштање на мускулите
Уште едно важно дејство на нането е намалувањето на стресот. Оваа исклучително лековита билка содржи големи количества триптофан, соединение од кое се создава серотонин — невротрансмитер што го подобрува расположението. Покрај тоа, нането ги смирува и главоболките и желудочните тегоби предизвикани од стрес, а чајот од нане го смирува организмот и го олеснува заспивањето.
Одлично е и како средство против напнатост и анксиозност, бидејќи ментолот природно ги опушта мускулите, а мускулната напнатост е еден од најчестите придружни симптоми на анксиозноста. Облогите со етерично масло од нане можат да помогнат во ублажување на чешањето и црвенилото на кожата, но и чајот од нане може да помогне кај иритирана кожа и во лекување мозолчиња и акни. Потребно е да се подготви благ чај од нане — доволна е една лажичка сушена билка на 3 децилитри вода — и да се остави да се излади до пријатна температура. Со млакиот чај се плакне лицето.
Нането помага и во спречување убоди од комарци. Овие досадни крвопијци не го поднесуваат неговиот мирис, па не е лоша идеја на непокриените делови од кожата да се втријат неколку капки масло од нане.
Масажа и инхалација против стрес
Во антистрес третманите често се користи етерично масло од нане. Масажата со тоа масло е многу ефикасна за ублажување типични симптоми на стрес, како несоница, недостаток на концентрација, раздразливост и вкочанетост на мускулите.
Смирувачки делува и инхалирањето чај од нане, а покрај тоа ја подобрува концентрацијата, освежува и закрепнува, особено во состојби на зголемена психичка и физичка напнатост.
