Филипините се наоѓаат на таканаречениот „Огнен прстен на Пацификот“, област која апсорбира околу 90% од светската сеизмичка и вулканска активност и е погодена од околу 7.000 земјотреси годишно, повеќето од нив умерени.
Еден 25-годишен маж загина, а уште најмалку пет лица се повредени во земјотресот со јачина од 7 степени според Рихтеровата скала што го погоди северниот дел на Филипините. Жртвата, според локалните власти, бил 25-годишен градежен работник кој бил заглавен во зграда во изградба која се урнала во моментот на земјотресот. Земјотресот се случил во градот Ла Тринидад, во провинцијата Бенге, 211 километри северно од Манила.
Пет лица се повредени од одрони на камења долж патот Кенон, пат кој го поврзува градот Багуио со Росарио во провинцијата Ла Унион, западно од Бенге. Земјотресот е регистриран во 8.43 часот по локално време. Епицентарот бил во близина на градот Лагангиланг, во провинцијата Абра, 335 километри северно од Манила.
Земјотресот утрово го погоди северниот дел на островот Лузон, најнаселен на Филипините и каде се наоѓа главниот град.
Notable quake, preliminary info: M 7.1 – 11 km ESE of Dolores, Philippines https://t.co/qUDQG6C7XS
— USGS Earthquakes (@USGS_Quakes) July 27, 2022
Филипините се наоѓаат на таканаречениот „Пацифички огнен прстен“, област која апсорбира околу 90% од светската сеизмичка и вулканска активност и се погодени од околу 7.000 земјотреси годишно, од кои повеќето умерени.
