„Ризик од расизам и дискриминација, како со СИДА и Ковид“
Градот Њујорк побара од Светската здравствена организација (СЗО) да го смени името на мајмуните сипаници, за да се избегне ризикот од расизам и дискриминација што би ги навело оние кои ќе се разболат да се изолираат наместо да бараат неопходен третман, пренесоуваат американските медиуми.
„Сè повеќе сме загрижени за потенцијалните разорни и стигматизирачки ефекти што пораките од вирусот мајмунски сипаници можат да ги имаат врз веќе ранливата заедница“, пишува претсатвникот за здравство во Њујорк, Ашвин Васан во писмо до директорот на СЗО, Тедрос Аданом Гебрејесус. Гебрејесус навести за можна промена на името уште во средината на јуни.
Според Васан оваа „терминологија“ е „вкоренета во расистичка и болна историја за афроамериканската заедница“.
Во писмото, Васан потсети и на негативните ефекти од лажните информации што се ширеа кога се појави вирусот СИДА и на епизодите на расизам против азиската заедница кога тогашниот американски претседател Доналд Трамп го означи Ковид-19 како „кинески вирус“.
„Продолжувањето да се користи терминот „мајмунски сипаници“ за да се опише актуелната епидемија може повторно да ги разгори овие расистички чувства, особено против црнците и другите обоени луѓе, како и против членовите на ЛГБТК + заедниците“, напиша тој.
Њујорк е најпогодениот град во САД од вирусот досега, со 1.092 случаи од почетокот на епидемијата, пренесува Анса.
