Високиот кривичен суд во Хрватска ја одби жалбата на Ускок и ја потврди ослободителната пресуда за Гзим Реџепи, кој беше обвинет за вршење влијание со цел да се промени судската одлука за родителска грижа и издршка на синот на пејачката Северина Вучковиќ и српскиот бизнисмен Милан Поповиќ, пренесува 24sedam.
Како што е наведено, Апелациониот суд, без да го прецизира идентитетот, оценил дека првостепениот суд дал јасни и валидни причини за сите факти пресудни за оцената на кривичната одговорност на Реџепи, прифаќајќи го заклучокот на Жупанискиот суд дека не е докажано дека Реџепи го сторил кривичното дело за кое е обвинет.
Како одлучувачки факти се наведени контактите на Реџепи со вештакот Владимир Грошиќ во август 2020 година, а се наведува дека не е докажано дека посредувал во вештачењето користејќи ја својата службена и општествена положба и влијание.
Да потсетиме, Северина го вмешала Реџепи кога и се заканувала на директорката на училиштето Љиљана Клингер, а потоа го пријавила во УСКОК, нагласувајќи дека ќе ги гони до крајот на животот.
На крајот на 2022 година, првостепениот суд донесе одлука Гзим да биде ослободен од обвиненијата што Северина ги покрена против него.
Но, сега Апелација донесе одлука дека тој е законски ослободен од сите обвиненија, бидејќи Северина немала никакви докази против Реџепи.
