Српската фолк пејачка Дара Бубамара пристигнала на снимањето на емисијата „Ѕвездите на Гранд“ и открила како го поминува времето. Освен што не се одвојува од своето момче, пејачката истакнала и дека постојано е зафатена со некои деловни обврски.
– Јас сум машинерија! Имав и снимање, и настапи во Хрватска и приватна прослава, и ручек денеска со моето момче и планови за маркетинг, и еве ме, дојдов на снимањето. Јас немам проблеми со заморот. Дури и станав рано утрово – рекла Дара Бубамара, па се осврнала на приказната дека Јелена Карлеуша завела 25 години помлад маж.
– Слушнав нешто, не сум видела, но ми е мило, нека биде среќна! Секогаш сум за љубов. Мојот емотивен живот во моментов се пеперутки и цвеќиња. Ова е најдоброто нешто што ми се случило досега. Тој не е љубоморен, ниту пак, си даваме повод да бидеме љубоморни. Многу се сакаме. Освен што е згоден и убав, многу е паметен, се забавуваме, ми дава ветар во грб. Постојано ми вели „Љубов што е тоа за тебе“, „Ти тоа можеш да го направиш“ и така натаму. Многу е зрел за своите години. Мојот син го обожава, неговите родители се одлични. Тие ме обожаваат, знаат каква личност сум, често ме прашуваат како сум. Тие се прекрасни луѓе. Не ги интересираат селските приказни, за разликата во годините и тие теми – рекла Дара.
