– Се чувствувам гордо и среќно по официјалното објавување дека ќерка ми Лара е избрана да ја претставува Македонија на Јуниорскиот Евросонг оваа година! Со среќа Лара и Ирина! – ова се зборовите на македонскиот пијанист и културен амбасадор на земјата во светот Симон Трпчески.
Судејќи според професионализмот и маестралноста на Трпчески, не се сомневаме дека „крушата под круша паѓа“.
Радоста објавена на Фејсбук профилот на Трпчески доаѓа по веста од изборот од страна на радиодифузниот сервис Македонска радио телевизија за претставници на Македонија на Детската Евровизија 2022. Лара Трпческа и Ирина Давидовска ќе бидат наши претставнички, по претходно одржаната Аудиција.
Детската Евровизија 2022 ќе се одржи на 11 декември 2022 година во Ереван,Ерменија.
Дуетот Лара Трпческа и Ирина Давидовска се поддржани од авторски тим од реномирани уметници.
