Ријана (32) се најде на насловната страница на британското списание „Вог“, а во интервјуто меѓу другото ги открива и нејзините планови за иднината.
Таа е првата личност која на насловна на „Вог“ носи црна марама на главата, позната како дураг и која ја симболизира културата на Афроамериканците.
„Чувствувам како да немам граници. Знам дека сакам да живеам поинаку. А основната разлика на новиот живот ќе бидат децата. Дали би го направила тоа сама? По ѓаволите, да. За 10 години ќе имам три или четири деца“, вели Ријана, и објаснува дека тоа што во моментов нема партнер нема да ја спречи во намерата да стане мајка.
„Единствената работа која навистина може да го подигне детето е љубовта“, категорична е Ријана.
Пејачката открива дека напорно работи на нови песни, но сè уште не откри кога публиката ќе може да ги слушне.
„Не можам да ви кажам кога ќе објавам нешто. Не сакам албумот да биде тематски. Нема правила, нема формат, нема ништо. Само добра музика, а доколку почувствувам дека е вистинско време, ќе го објавам“, објаснува Ријана.
