Ресана торта – уште се нарекува „торта за итни случаи“. Тоа се сите оние мигови кога имате потреба од благо, но немате време или пак не сакате да заглавите во кујната. За само десетина минути, веќе имате домашна торта со одлична комбинација на вкусови, а воопшто не сте ја вклучиле рерната.
За овој рецепт Давор користи ресана со вкус на вишни бидејќи убаво се вклопува во целата композиција на состојки.
Што се однесува до нејзината форма, тука сè останува на вашата фантазија.
Калапите за печење торти во различни форми може да ви послужат како модли за обликување, а доколку сакате дополнителна декорација секогаш можете да користите и фондан, па да ја претворите оваа лесна торта во нечие мало слатко изненадување.
Потребни состојки:
750 г ресани, сечкани на четвртини
200 г сечкани ореви
200 г сечкани бисквити
2-3 лажици ликер од вишна
200 мл топло млеко
250 г растопен путер
2 кесички за шлаг изматени со 250 мл млеко
декорирајте со шарени трошки
Начин на подготовка:
Исечкајте ги ресаните на четири дела и искршете ги бисквитите или пишкотите, па попарете ги со топлото млеко и путер. Потоа додадете ги исечканите ореви и малку рум.
Добиената смеса се обликува по желба. Јас ја формирав мојата торта во векна т.е. смесата ја ставив во калап за печење на векнички.
Целата торта премачкајте ја со изматената слатка павлака. По желба декорирајте ја со шарени мрвици.
Добар апетит и забавно готвење!
