Кралицата Елизабета Втора (93) ја напушти Банкингем палатата пред неколку дена за да не се зарази со коронавирусот. Пред кралицата да замине во Виндзор, вравотените во палатата се тестирале за коронавирус. Како што пишува Mirror, еден од нив е позитивен на COVID19.
„Работникот дозна дека е позитивен пред кралицата да замине во Виндзор. Палатата има 500 вработени членови, па како и било кое друго работно место, не е незамисливо дека некој ќе се зарази“, изјавил извор за кралското семејство.
Секој член од персоналот кој бил во контакт со заразениот, мора да иде во самоизолација. Сепак, не е познато дали кралицата била во контакт со него. Откако се прошири коронавирусот, кралицата избегнуваше ракување со луѓето и блиски контакти.
Кралицата во Виндзор се наоѓа со својот сопруг принцот Филип (98). Тие таму одат секоја година за Велигден, но овој пат одморот го започнаа порано.
Во наредниот период кралските должности ќе ги преземе нејзиниот внук, принцот Вилијам (37).
