Прес-аташето на руската амбасада во Индонезија, Александар Тумаикин, за РИА Новости изјави дека рускиот претседател Владимир Путин би можел да учествува на самитот на Г20 преку видеоконференција.
Дипломатот прецизираше дека рускиот министер за надворешни работи Сергеј Лавров лично ќе ја предводи руската делегација.
Претходно Ројтерс објави дека Путин нема лично да присуствува на форумот на Г20, туку тоа би можел да го направи преку интернет. Портпаролот на министерот-координатор за поморски и инвестициски прашања на Индонезија, Џоди Махарди, изјави дека Џакарта очекува рускиот министер за надворешни работи Лавров да присуствува на состанокот како претставник на руската страна.
Самитот на Г-20 ќе се одржи на индонезискиот остров Бали од 15 до 16 ноември.
На 3 ноември, индонезискиот претседател Видодо објави дека 17 лидери на Г20 ја потврдиле својата посета и дека само три држави, вклучително и Русија, допрва треба да одговорат.
