Српската водителка Јована Јеремиќ денеска ја заинтригира јавноста кога објави снимка со ќерката Леа, па ѝ соопшти одлични вести, дека ќе добие брат.
– Ти благодарам Боже, што имам вакво чедо. Ти благодарам Боже што мојата ќерка е ваква каква што е. Икона моја, син мој, љубов моја. Не смеам да кажам син, но тоа е посилно од мене. Мојата мајка цел живот за мене велеше дека сум син и затоа сум ваква каква што сум, но ти не мора да бидеш син. Ќе добиеш брат, а ти не мора да бидеш син, ти биди ќерка – рекла Јована во видеото.
Сите веднаш почнаа да зборуваат за тоа дека Јована е бремена, со оглед на тоа што веќе подолго време е во среќна врска со претприемачот Драган Станковиќ. Инаку, Јована и Драган се свршија на нејзиниот роденден.
Меѓутоа, водителката се огласила за српскиот портал „Република“ и открила дека сепак, веста не е вистина.
– Не сум бремена – кратко искоментирала Јована.
Инаку, водителката неодамна се пофали и со бурмната што ја добила од Драган, а судејќи според се, нивната врска отишла чекор понатаму по свршувачката која се случи во ноември. Иако од неа многумина очекуваат голема и помпезна венчавка, Јована тврди дека таа е тип за помали свадби.
– Во 2026 година ќе биде мојата венчавка, ѕвездите така велат и бременоста потоа. Конкретно, голема венчавка не, јас не сакам големи венчавки. Луѓето имаат погрешна перцепција за мене, тоа ќе биде енергична, но не огромна свадба. Јас не сакам повеќе од 300 луѓе. Немам толку пријатели – признала Јована.
