Првиот случај на мајмунска сипаница е регистриран во Црна Гора. Евидентираниот случај е црногорски државјанин и е во добра општа состојба, соопшти денеска црногорскиот Институтот за јавно здравје. Црна Гора со тоа се приклучи на листата од 79 земји каде е регистрирана оваа болест.
„Лабораторијата на Одделението за молекуларна дијагностика на Институтот за јавно здравје на Црна Гора, а во соработка со Институтот за вирусологија, ги детектираше вакцините и серумите „Торлак“ и го потврди првиот случај на заболени од мајмунска сипаница“, соопштија од Институтот, а пренесуваат црногорските портали.
Во соопштението на ИЈЗ доставено до медиумите, се наведува дека се спроведени сите неопходни мерки за пациентот и неговите контакти, со цел спречување и сузбивање на ширењето на споменатата заразна болест.
Исто така, „известени се и сите надлежни институции согласно националните и меѓународните протоколи“, се наведува во соопштението.
