Музичкото натпреварување „Ѕвездите на Гранд“ ќе продолжи по трагичната смрт на популарниот продуцент Саша Поповиќ.
По тридневна пауза конечно е познат датумот на првото снимање. Шоуто ќе продолжи во понеделник, на 24 март, кога членовите на жирито и целата екипа ќе се вратат во студиото за да продолжат со снимањето на новите епизоди.
Се очекува ова да биде емотивен момент за сите учесници и продукцискиот тим, а натпреварувачкото шоу и покрај загубата ќе продолжи да дава одлични музички изведби и извонредни таленти.
За потсетување, Воја Недељковиќ неодамна проговори за натпреварувањето „Ѕвездите на Гранд“, откривајќи како сѐ ќе изгледа по смртта на Саша.
– Продолжуваме да работиме, одложивме две сесии на снимање кога тој почина. По некој план и програма оваа сезона ќе ја завршиме со натпреварувачите што ги имаме. Има некои работи планирани за новата сезона. Има идеја да се создадат некои нови аудиции, нови правила. Кој ќе го води, кој ќе биде жирито, каде ќе биде, навистина немам таков одговор. Имаме идеја, добро го познаваме Саша, можеме приближно да правиме нешто што тој би сакал. По мој предлог, победникот треба да добие трофеј, кој ќе го носи неговото име – изјави Воја.
