Долгогодишниот соработник и пријател на покојниот Саша Поповиќ, Микица Гачиќ, отворено проговори за новата сезона на популарниот музички натпревар „Ѕвездите на Гранд“ и откри дали ќе има промени во жирито.
По загубата на Саша Поповиќ, кој почина по тешка битка со болеста, многумина се прашуваа како ќе изгледа продолжението на музичкиот спектакл. Одлуката за новата сезона ја чекаа и потенцијалните кандидати со надеж дека сѐ ќе остане како што е сега.
Микица Гачиќ откри дека жирито ќе остане исто и оваа сезона, но нагласи дека сите членови на тимот ќе направат сѐ за новата сезона да биде во духот на она што го сакаше и замислуваше Саша Поповиќ.
– Никогаш не може да биде како кога Сале беше жив. Тој и јас заедно правиме аудиции во последните 12 години, јас бев негов прв соработник, а се знаеме преку 25 години. Навистина е голема тага, но продолживме да работиме. Наскоро почнуваат аудициите за новата сезона, почнуваме со уште поголема сила бидејќи тој сето тоа го оствари и мораме да ја испочитуваме таа приказна – вели Микица Гачиќ за „Информер“, ставајќи крај на шпекулациите дека ќе има промени во жирито.
– Засега сѐ останува исто. Во претходните години Саша постојано повторуваше дека не треба да менуваме победнички тим. Тие се нашите најдобри.
