Прес-секретарот на рускиот претседател Дмитриј Песков на брифинг со новинарите рече дека Руската Федерација се уште е подготвена да го реши проблемот во Украина по дипломатски пат, но под свои услови.
„Русија беше и останува подготвена да го реши украинскиот проблем преку дипломатија, под свои услови. Овде едноставно е соодветно уште еднаш да се потсетиме дека овие услови беа договорени во Истанбул. И тие беа договорени од двете страни – преговарачите на Русија и Украина“, рече тој.
Песков нагласи дека подоцна во Киев го одбиле овој договор и ја напуштиле преговарачката патека.
„Нашите услови и се добро познати на украинската страна. Вака или онака, тие ќе бидат обезбедени“, заклучи портпаролот на Кремљ, а пренесува газета.ру.
Претходно Песков на брифинг рече дека посетата на претседателката на Претставничкиот дом Ненси Пелоси на Тајван може да се опише како чиста провокација.
Покрај тоа, тој истакна дека контактите меѓу рускиот лидер Владимир Путин и кинескиот претседател Си Џинпинг не се планирани во позадината на посетата на Пелоси на Тајван. Според Песков, Пекинг добро знае дека Москва ја поддржува политиката на Кина и суверенитетот на земјата.
