Состојки:
500 грама кори за баклава
150 милилитри масло за јадење
300 милилитри јогурт
250 грама шеќер
3 јајца
150 грама гриз
1 ванилин шеќер
1 прашок за печиво
600 грама вишни без семка (свежи или замрзнати)
Подготовка:
Во подлабок сад, изматете ги јајцата, маслото за јадење, јогуртот, гризот, шеќерот, ванилиниот шеќер и прашокот за печиво. Смесата што ќе ја добиете треба да биде густа.
Потоа, подмачкајте ја тавата во која ќе ги печете штрудличките и почнете со нивна подготовка.
Земете една кора и испрскајте ја со претходно подготвената смеса. Врз неа ставете ја и втора кора а во средината додајте ги вишните. Корите свиткајте ги во форма на ролат. Добиениот ролат, ставете го во тавата за печење.
Постапката за подготовка на штрудлите, повторувајте ја додека имате намирници. Подготвените штрудли печете ги во претходно загреана рерна на температура од 180 степени околу 15 минути.
