За да разберете каква врска има фустанот на Ким Кардашијан со Украина, треба да се да се навратите на париските модни ревии, кога Баленсијага даде моќна антивоена изјава.
Најхрабра на црвениот тепих е секогаш таа, Ким Кардашијан: ѕвездата на истоименото реално шоу се појави на годишната афтер парти забава (после ОСкарите) организирана од Vanity Fair, облечена во светло син фустан со „вградени“ ракавици на ракавите и со отворен грб, модел во форма на сирена.
Сепак, малкумина знаат дека зад оваа оригинална креација се крие многу специфична политичка порака во врска со Украина и тековната војна.
Ким Кардашијан им се придружи на многубројните ѕвезди кои со својот изглед испратија пораки до украинскиот народ и тоа го направи на свој начин.
View this post on Instagram
За да разбереме каква врска има фустанот на Ким Кардашијан со војната во Украина, треба да направиме чекор назад и да се вратиме на париските модни ревии, одосно на 6 март. Руската инвазија на Украина се случи само неколку дена порано, додека модните престолнини беа зафатени од еуфоријата на модните недели. Сепак, светот на модата тогаш ги здружи силите со донации и помош за жртвите на Украина, како и со симболични гестови. Но, ниту еден дизајнер дотогаш не протестираше како креативниот директор на Баленсијага.
Дизајнерот се потсети на неговата лична траума за време на ревијата: детството го поминал во Грузија и морал да ја напушти земјата во војна како бегалец кога бил само дете. Тој преку отворено обраќање на сите гости им ја раскажа својата приказна и им подели маици со боите на украинското знаме за да ги облечат на ревијата.
Но, еве од каде доаѓа инспирацијата за фустанот на Ким Кардашијан: ревијата беше затворена со два монохроматски изгледи, жолт комбинезон и светлосин фустан, кои заедно го формираа украинското знаме. Токму тој светлосин фустан Ким го облече на забавата после Оскарите.
Ким Кардашијан и Баленсијага имаат долго уметничко партнерство: изборот на фустанот за една ваква важна вечер е сè освен лежерен. Црвениот тепих на Оскарите 2022 всушност испрати бројни пораки – имплицитни или експлицитни – до Украина.
