Регионалната ѕвезда Лепа Брена заврши на операција откако го скрши зглобот на третиот концерт во Арена Загреб, а сега се огласи и ортопедот Младен Мишкулин кој кажа колку долго може да потрае закрепнувањето.
„Со вакви повреди опоравувањето трае два ипол до три месеци. Тоа е повреда која е доста захтевна за рехабилитација, особено за некој што има таков сценски настап како што има Лепа Брена“, објаснил д-р Мишкулин за „РТЛ Данас“.
За несреќата проговори и Сенида Хајдарпашиќ, попозната како Сенида, која таа вечер беше прва гостинка на концертот на Брена.
„Јас стоев зад бината, го слушав концертот. И во тој момент некој ми пријде и ми рече: „Ах, Брена! Еден човек падна врз Брена, ја повреди…“ И не знаев што ќе се случи, дали таа ќе продолжи или ќе го прекине концертот… Не знам какви болки имаше. Таа беше повеќе загрижена за тоа момче отколку за себе. како: ‘Вие нема да ми кажете дали момчето е добро’. Повеќе беше загрижена за него, отколку за себе. Жената дури и се расплака. Верувам дека би направила четврти концерт ако може, макар и со конци на ногата“, изјавила пејачката.
Поради повредата Брена ги одложи концертите кои беа закажани за 10 и 16 декември, а новите термини за концертите се 21 и 22 март 2025 година.
