Американскиот актер и комичар Боб Сагет починал од повреда на главата, за која не верувал дека е опасна, соопшти неговото семејство.
Сагет беше пронајден мртов во неговата хотелска соба на 9 февруари во Орландо, Флорида, еден ден по настапот на комичарот во близина на Џексонвил.
– Аутопсијата покажа дека Боб починал од повреда на главата, соопшти неговото семејство.
Констатирано е дека случајно се удрил во задниот дел од главата и мислел дека не е ништо опасно и отишол да спие, се вели во соопштението.
Инспекторите претходно отфрлиле дека Сагет починал од дрога или злосторство, но верувале дека станува збор за срцев удар или мозочен удар.
Погребот на обожуваната ѕвезда од серијата „Фул Хаус“ веќе се одржа во Лос Анџелес, а пред куќата во Сан Франциско, каде се снимаше познатата и успешна серија, која се прикажуваше од 1987 до 1995 година, обожаватели носат цвеќе и палат свеќи.
