Има повеќе славни личности кои се поврзуваат со романтичниот живот на Шакира, но засега колумбиската пејачка ниту ги потврдува, ниту ги негира гласините.
Од актерот Том Круз, до возачот на Формула 1 Луис Хамилтон или ѕвездата на Мајами Хит, Џими Батлер, секое движење на пејачката е детално анализирано во потрага по трага за тоа каква може да биде нејзината следна врска, по разделбата од поранешниот фудбалер на Барселона, Жерар Пике.
По нејзината посета на Шпанија, каде што беше забележана на трката за ГН на Формула 1 што се одржа во Барселона, повторно почнаа гласините за нејзината можна врска со Хамилтон.
Таа го посети Хамилтон во падокот, отидоа на вечера каде беа видени „многу блиски“, па дури и ја завршија ноќта на забавата која подоцна се одржа во познатиот ноќен клуб Carpe Diem.
Но, сега шпанското списание Ванитатис открива нови детали за љубовниот живот на Шакира.
Според списанието, извор близок до пејачката изјавил дека интересите на Шакира лежат на друго место… кај колега музичар!
Посетата на Шакира на Шпанија пак, според споменатите медиуми, не е поврзана со придружувањето на нејзините деца во Барселона (кои се на посета кај татко им) а наводно ниту со нејзините љубовни врски, туку за решавање на нејзините проблеми со шпанскиот правосуден систем.
