НАСА размислува како да ја стави на располагање експертизата на агенцијата за да го подобри сфаќањето за НЛО. Најави дека ќе се консултира со владата за ова прашање. Изјава која доаѓа како изненадување бидејќи американската вселенска агенција никогаш не сакала да има никаква врска со неидентификувани летечки објекти.
Сега се чини дека е подготвена да се вклучи во студиите за можни знаци на вонземски живот, не само на далечни планети, туку токму овде на Земјата.
Изјавата доаѓа една недела по првата јавна расправа на House Intelligence Committee за НЛО.
Извор изјави за Дејли Мејл дека проектот најверојатно ќе вклучува докази собрани во текот на годините од сите астронаути кои наишле на неидентификувани летечки објекти во вселената за време на мисиите.
Изворот исто така додал дека работата на НАСА ќе ја надополни работната група UAP на Министерството за одбрана, задолжена од Конгресот да ги истражи заканите од чудни објекти во воздушниот простор.
„Тоа ќе биде еден вид работна група“, изјавил изворот за Дејли Мејл.
Тимот за НЛО на Пентагон веќе побарал снимка од камери од некои вселенски мисии на НАСА. „Имаше неколку наводни инциденти со астронаути на НАСА и мисии на НАСА кои вклучуваат неидентификувани феномени“, изјави изворот за Дејли меил.
НАСА е заинтересирана да ја осветли природата и потеклото на неидентификуваните летечки феномени бидејќи тоа би било важна информација за агенцијата од „научна перспектива“.
Портпаролот за научна комуникација Карен Фокс, нагласи дека „вонземјаните не се единственото објаснување за чудните феномени на небото“.
