Актерот Том Круз, пејачката на Пусикет Долс Никол Шерцингер и ликот од бајките Вини Пу ќе присуствуваат на крунисувањето на кралот Чарлс III од Велика Британија, пренесува „Варајети“.
Том Круз, Никол Шерцингер и Вини Пу се поканети на гала концертот што ќе се одржи во замокот Виндзор на 7 мај, ден по крунисувањето на Чарлс Трети.
Забележано е дека сите тројца веќе присуствувале на настаните на британското кралско семејство. Том Круз бил гостин на погребот на принцезата Дијана во 1997 година, Никол Шерцингер минатата година учествувала на платинестиот јубилеј на кралицата Елизабета Втора, а ликот од приказните – Вини Пу бил дел од забавата за 80-тиот роденден на покојната кралица во градината на Бакингемската палата во 2006 година.
Крунисувањето на Чарлс Трету и Камила ќе се одржи на 6 мај. Познато е дека принцот Хари ќе присуствува на церемонијата, но Меган Маркл со децата Арчи и Лилибет ќе останат во САД.
