Во синоќешниот напад на црквата на Јеховините сведоци во Хамбург загинаа најмалку седум лица, а еден млад човек е убеден дека го снимил напаѓачот како влегува во зградата.
Грегор Мисбах, кој живее во близина на зградата каде што се случи масакрот, ги слушнал истрелите, по што снимил лице како влегува во зградата преку прозорец.
Потоа, како што вели, се слушнале истрели од внатрешноста на зградата.
Лицето што го видел подоцна излегло од салата, било забележано во дворот, а потоа испукало повеќе истрели внатре.
– Откако пристигна полицијата, пет минути подоцна се случи последниот истрел – рекол младиот човек.
Во овој момент не е јасно дали напаѓачот е во бегство, ниту дали неговото тело го пронашле внатре во објектот, како што предмалку се тврдеше. дека убиецот е мртов.
Од полицијата најавија дека денеска во текот на денот ќе одржат прес-конференција на која ќе изнесат повеќе детали.
Засега не е познат мотивот за нападот.
