Започнаа пред неполна недела со хуманитарната акција, собраа повеќе од 20 милиони долари, но мисијата на Мила Кунис, родена во Украина, и нејзиниот сопруг Ештон Качер се уште не е завршена.
Актерката на „Црниот лебед“ и нејзиниот колега и сопруг со голема гордост објавија што до сега постигнале, а ќе одат и понатаму до уште повеќе средства за донации за семејствата од Украина:
„Собравме над 20 милиони долари за помалку од една недела!“, објаснува глумецот и додава дека тука не застануваат.
View this post on Instagram
„Нашата цел се 30 милиони долари и ќе стигнеме до таму“, рече Качер, заблагодарувајќи им се на 56.000 луѓе кои ја поддржале иницијативата што ја започнаа двете ѕвезди.
„Без разлика дали ќе донирате 5, 10 или 1.000 долари, тоа многу ни значи“, вели тој и потенцира дека првата хуманитарна помош е веќе на терен за бегалците.
„Во моментов има над милион деца бегалци: сè што можеме да направиме е од голема помош за нив“, заклучува Качер.
Мила Кунис, неговата сопруга, е родена во Украина, се преселила во САД во 1991 година кога имала осум години.
Качер и Кунис ја отворија хуманитарната донација на GoFundMe минатиот четврток, споделувајќи за таа прилика видео снимено од глумицата, објавено на нејзиниот Инстаграм профил.
„Роденa сум во Черновци, Украина, во 1983 година. Дојдов во Америка во 1991 година. Отсекогаш се сметав себеси за Американка“, напиша Мила Кунис нагласувајќи дека е горда што е Украинка.
