Актерката Мерил Стрип (70) ќе глуми во новиот филм „The Prom“, а за таа пригода го сменила и имиџот. Папараците неодамна ја фотографирале додека шетала на сетот. Таа ја променила препознатливата боја на косата.
Мерил Стрип со децении има руса коса, а сега ја офарбала во огнено црвена, што е вистинско освежување. Нејзините обожаватели на социјалните мрежи коментираат дека црвенокосата Мерил со оваа промена изгледа 20 години помлада.
– Таа нам се обидува да ни покаже дека никој не може да изгледа толку добро на 70 години како неа – гласел еден коментар на Твитер.
Актерката, стајлингот го усогласила со бели пантолони, чизми и јакна. Со златниот часовник, обетките, прстените и ѓерданот ја разбила белината.
This lazy biatch trying to kill us by skipping all the red carpet and showing up now giving us a look saying we can't be hot as her at 70. #MerylStreep pic.twitter.com/LVtIic5B2y
— WordsForMeryl (@StreepWarrior) February 25, 2020
Во филмот со Мерил ќе глуми и Никол Кидман (52). Тие ќе отелотворат две бродвејски ѕвезди кои им помагаат на две лезбејки да одат на матура. Филмот е базиран на бродвејскиот мјузикал кој беше актуелен од ноември 2018 до минатата година.
Мерил Стрип петнаесет пати е номинирана за Оскар за најдобра главна улога, а е меѓу ретките кои досега добиле три. Освен тоа, таа освои и неверојатни осум Златни глобуси, а за истите е номинирана дури 28 пати.
