Пејачот Радиша Трајковиќ Ѓани откри дека ѝ бил неверен на својата сопруга Слаѓа, но дека успеале да ги пребродат сите проблеми. Како што истакна, откако ги надминале тешките кризи, сега живеат хармонично како никогаш досега, а Слаѓа секогаш му е поддршка.
– Супер сум, супер е и семејството, сите сме заедно и тоа е најважно. Морам да кажам дека најмногу ме слуша жена ми, а за тоа кој најмалку – не смеам да кажам – изјави Ѓани, па откри дали некогаш Слаѓа го фатила на дело:
– Младост, лудост, Слаѓа е сега тука, таа секогаш е со мене. Морам да признам дека ме фатила на дело и дека ми удри две шлаканици.
Фолкерот Радиша Трајковиќ Ѓани често има несолени шеги, кои ги споделува и на социјалните мрежи, а еднаш објави фотографија на која носи крагна околу вратот.
Ѓани откри дали некогаш имал поголем конфликт со Слаѓа:
– Не, ние сè решаваме заедно – рече Ѓани, па призна дека снимил песна за својата сопруга Слаѓа:
– Снимив песна со стиховите „и да имам два живота, и двата би ти ги посветил тебе“. Ту таа песна ја снимив пред седум месеци, но ми се случи повреда, па не ја објавив тогаш – изјави Ѓани, па повторно зборуваше за семејството и идниот зет:
– Најмногу ме слуша ќерка ми, синовите онака, снаите се добри, но најмногу би сакал идниот зет да внимава на мојата ќерка. На сите им е интересно што мојата ќерка не сака камери, па сега сите пишуваат за неа. Морам да кажам дека јас многу работев, а мојата Слаѓа беше со децата и се грижеше за нив – изјави Ѓани во емисијата „Премиера“. Ова не е првпат пејачот да зборува за неверството – неодамна Ѓани, гостувајќи во емисијата кај Огњен Амиџиќ, повторно зборуваше за Слаѓа и низ шега спомена неверство.
– Слаѓа и јас никогаш не сме имале кризи во бракот. Искрено, тоа е благодарение на неа. Ги надминавме сите препреки – рече Ѓани во „Амиџи шоу“.
На констатацијата на Огњен Амиџиќ дека се заедно 30 години и дека тоа сега е љубов на деветто ниво, Ѓани шокираше со одговорот:
– Доста беше. Доста беше неверства – рече Ѓани, а кога додаде „Се шегувам“, ги насмеа сите во студиото.
