Пејачката Марија Шерифовиќ веќе има неколку успешни концерти, а ја очекуваат уште три. Силата да пее и да се подготвува толку многу доаѓа од нејзиниот син Марио, кој ја придружува на концертите.
Марија не крие дека само една прегратка со Марио ја опушта и дека благодарение на него лесно може да ги „наполни батериите“.
– Верица го носеше и тоа многу ми значеше. Ми правеше друштво на сцената откако ќе заврши техничката проба, и пред да влезе публиката во салата. После малку беше зад сцената, а потоа одеше да спие. Концертите во Белград се мои настапи кои тој ги следеше во живо – гордо изјавила Марија Шерифовиќ.
Таа додаде дека сè уште е рано да се зборува за иднината на Марио, но дека не ја исклучува можноста тој да тргне по стапките на својата мајка и баба.
– Рано е за вакви приказни, но сè е можно. Сепак, мислам дека Верица веќе го препознава неговиот природен талент, па му купи микрофон со држач – рекла Марија за „Хелоу“.
