Американската пејачка „протестира“ против рускиот режим од 2012 година, а сега повторно го крена гласот за да испрати провокативни пораки до Кремљ.
Продолжуваат протестите против војната во Украина. Лејди Гага уште еднаш зазеде страна против Русија, осудувајќи ја инвазијата на Путин, а тоа го направи повикувајќи се на нејзиниот концерт пред десет години.
Лејди Гага долго време е против политиката на рускиот претседател Путин и никогаш не пропуштила можност да го покаже тоа. Било во 2012 година кога пејачката, за време на една од нејзините турнеи, излегла на сцената во Москва и ја искористила можноста отворено да ги оспори позициите на Кремљ кон LGBTQ+ заедницата. Во тоа време рекла:
„Ми рекоа „Гага кога ќе одиш во Русија може да те уапсат“. Реков „Уапсете ме!“. Не ми е гајле што велат луѓето. И ако си спремен да се откажеш од се за твојата слобода, дали ќе добиеш лисици поради слободата? Уапсете ме, Москва! Јас се викам Лејди Гага, имам 26 години, живеам во Менхетен, Њујорк и сигурна сум дека мажите и жените заслужуваат да се сакаат подеднакво. Уапсете ме Москва, не ми е гајле!“
Од една страна, порака за поддршка и почит за LGBTQ+ заедницата, која – според Гага – отсекогаш била угнетувана од режимот на Путин, од друга, крајно провокативна кон претседателот. Изјавата, сепак, не ја чинеше никаква одмазда од страна на Москва, освен обвинувањето следната година од страна на Кремљ дека приложила неважечка виза за влез во земјата.
Така, Лејди Гага, како што веќе направи на Твитер во 2013 година, за време на концертот во Лас Вегас повторно се обиде да го испровоцира Путин, прашувајќи го зошто не ја уапсил пред десет години.
„Требаше да ме уапсат во Русија кога имаа можност. Им реков да ми врзат лисици, се појавив таму со војниците. Тие беа глупави тој ден, а глупави се и денес“.
