Славниот пејач Стинг (68) и неговата сопруга Труди Стајлер (66) имаат четири деца, а пејачот, од бракот со поранешната сопруга Франс Томелти (71), има уште две деца.
По 27 години брак и 37 години врска, Стинг и неговата сопруга Труди Стајлер и понатаму се заљубени еден во друг како од првиот ден.
– Знам некои работи за бракот. Со Труди се венчав пред 27 години, а многумина ме прашуваат како бракот ми се задржал толку време. Секогаш велам дека тоа е помалку чудно, но ништо не земаме здраво за готово – раскажа популарниот пејач за магазнот „Пипл“.
– Се сакаме, но всушност и си се допаѓаме еден со друг и во тоа е целата поента. Љубовта е страствена, но кога некој толку многу ви се допаѓа и сакате да бидете во негово друштво, тогаш тоа трае многу подолго – вели Стинг.
Пејачот истакна дека е во брак со својата најдобра пријателка, како и тоа дека никогаш не мислел дека ќе стане татко.
– Никогаш не размислував за тоа дека ќе станам татко. Случајно станав татко шест пати, толку сум паметен. Тоа се најдобрите случајности во мојот живот и најдобрите луѓе на светот – вели Стинг, кој истакна и дека веќе има седум внуци.
Стинг смета дека ниту еден родител не е совршен, а колку и да постоеле моменти кога неговите деца биле среќни што тој им е татко, постоеле и моменти кога им било мачно поради тоа.
Англичанецот се прослави како пејач на групата „The Police“, а потоа продолжи да гради успешна соло кариера.
Иако бројни жени буквално луди по него поради неговата популарност, сепак, срцето на пејачот и припаѓа само на неговата сопруга, а со Труди има врска долга речиси четири децении, која никој не може да ја уништи.
