Кралицата Елизабета (93), неколку дена размислуваше што ќе направи за да го заштити своето здравје во време на пандемијата од коронавирусот. Со сопругот Филип (98) отпатуваа во дворецот Виндзор, каде секоја година го прославуваат Велигден, а овојпат одморот го почнаа малку порано.
Од својата резиденција во Виндзор, кралицата и се обрати на нацијата.
„Филип и јас стигнавме во Виндзор, јасно ни е дека пред нас е тежок период и дека целата земја и остатокот од светот е загрижен за општото здравје. На сите ни е советувано да го живееме секојдневието и да и се прилагодиме на новонастанатата ситуација. Треба да го чуваме здравјето и да мислиме на останатите, на целата наша заедница, а посебно на оние најчувствителните. Многумина од нас треба да најдат нови начини да останат во контакт со саканите и семејството. Убедена сум дека сме подготвени за овој предизвик. Можете да бидете сигурни дека јас и моето семејство сме подготвени да ја одиграме нашата улога во оваа ситуација“, стои на официјалниот профил на британското кралско семејство.
Како што пишуваат медиумите на Островот, во наредниот период кралските должности ќе ги преземе внукот на кралицата Елизабета, принцот Вилијам (37).
Помеѓу другото, можно е и принцезата Беатрис, која е деветта по ред за престолот, да биде именувана за државен советник во овие тешки времиња.
Принцот Хари (35), кој се откажа од кралските должности, сепак би можела да преземе некои чекори за пружање на помош во овој период, тврдат експерти.
