Коронавирусот откажува музички настани, јавни собири, но и кралски турнеи, како што е онаа на принцот Чарлс и војвотката од Корнвел, Камила, кои ја откажаа пролетната турнеја поради актуелниот вирус.
Кралскиот пар требаше да ги посети земјите Босна и Херцеговина, Кипар и Јордан за време на својата турнеја.
Мирор пренесува дека парот се чувствува добро, но дека и двајцата имаат повеќе од 70 години и влегуваат во критичната група, па затоа лекарите ги предупредуваат дека најдобро е да ја откажат турнејата.
„Британската влада ги замоли нивните височества да ја одложат својата пролетна турнеја поради ширењето на вирусот“, истакна портпаролот на куќата Клеренд.
Целото кралско семејство презема мерки на претпазливост поради коронавирусот, а кралицата Елизабета и принцот Чарлс на последните состаноци не се ракуваа со никого.
