Ријалити-ѕвездата Ким Кардашијан неодамна повторно ги воодушеви фановите, покажувајќи ја на Инстаграм масовната домашна игротека на своите деца. Ѕвездата со своите 160 милиони следбеници сподели видео од својата вила вредна 60 милиони долари, во која живее со својот сопруг Канје Вест и децата Норт, Сеинт, Чикаго и Псалм. Во видеото кое таа го објави се гледаат децата кои веселол трчаат во игротеката со бескрајни можности за пресоблакање и многу играчки.
Таа започнала снимајќи ја големата сцена опремена со вистински музички инструменти на кои децата „настапуваат“, а покрај тоа е сместен и проектор на кој тие гледаат филмови. Во просторијата има и дел со маса и столчиња, каде децата ја пишуваат својата домашна, цртаат и сликаат. Минималистички уредениот шкаф откри одлична организација, а во него се сите играчки распоредени според својата функција. Автомобилите се на посебна полица, леглата на друга и тоа подредени по боја. Секое дете има свој дел од собата со играчки со кои најмногу игра.
„Норт има и потполно опремена продавница со прехрамбени производи, но и мала детска машина за алишта, машина за сушење и кујна“, изјави Ким во видеото, а потоа го покажа огромниот шкаф со различни костими каде што децата може да се пресоблакаат.
